Recent Posts Widget


අනුරාධපුර රාජාංගනය ප්‍රදේශයේ සංචරණ සීමා පැනවීමට කටයුතු කර තිබේ.

සෞඛ්‍ සේවා අධ්‍යක්ෂ ජනරාල් වෛද්‍ය අනිල් ජාසිංහ මහතා සඳහන් කරන්නේ රාජාංගනය යාය 1, 3 සහ 5 ප්‍රදේශවල මෙසේ සීමා පැන වූ බවයි.

කන්දකාඩු පුනරුත්ථාපන මධ්‍යස්ථානයේ කොරෝනා පොකුර ආශ්‍රිතව වැඩි වශයෙන් ආශ්‍රිතයන් වාර්තා වීම හේතුවෙන් මෙම ක්‍රියාමාර්ග ගත් බවද ඔහු සඳහන් කළේය.


උණවටුන උප දුම්රියපොල ස්ථානය අද දිනයේ තාවකාලිකව වසා දැමීමට දුම්රිය දෙපාර්තමේන්තුව පියවර ගෙන තිබෙනවා.

කන්දකඩු පුනරුත්ථාපන මධ්‍යස්ථානයේ සිට හබරාදුව ප්‍රදේශයට පැමිණි පුද්ගලයෙකුට කොරෝනා ආසාදනය වී ඇති බව තහවුරු වී ඇති අතර ඔහු උණවටුන උප දුම්රියපොලේ ස්ථානාධිපතිවරයා සමීපව ඇසුරු කිරීම හේතුවෙන් සෞඛ්‍ය උපදෙස් අනුව එම පියවර ගත් බවයි දුම්රිය දෙපාර්තමේන්තුව සඳහන් කළේ.

අදාළ උප දුම්රියපොල ස්ථානාධිපතිවරයා මේ වනවිට පී.සී.ආර්. පරීක්ෂණයකට ලක් කර ඇති අතර, එහි වාර්තාව අනුව ඉදිරි ක්‍රියාමාර්ග තීරණය කරන බවයි දුම්රිය දෙපාර්තමේන්තුව සඳහන් කළේ


කන්දකාඩු පුනරුත්ථාපන මධ්‍යස්ථානය ආශ්‍රිතව ඇති වී තිබෙන කොරෝනා පොකුරේ සියලු ආශ්‍රිතයන් හඳුනාගෙන ඇති බව යුද හමුදාපති ශවේන්ද්‍ර සිල්වා මහතා සඳහන් කරයි.

එම සියලුම ආඹ‍්‍රීතයන් ඔවුන්ගේ නිවෙස්වල නිරෝධායනයට යොමුකර ඇති බවත් රෝගී ලක්ෂණ ඇති අය ප්‍රතිකාර සඳහා යොමු කර ඇති බවත් යුද හමුදාපතිවරයා කියා සිටී.

රට තුල ඔ්නෑම අවස්ථාවක කොරෝනා රෝගියෙකු හමුවුවහොත් වහා කඩිනම් ප‍්‍රතිචාර දැක්වීම සදහා බුද්ධි අංශ පැය 24 පුරා ස්ථානගත කර ඇතැයිද ඔහු පැවසීය.

පවතින තත්වය යටතේ කන්දකාඩු පොකුර සම්පූර්ණයෙන්ම පාලනයට යටත් කර අවසන් නිසා රට වසා දැමීමේ කිසිදු අවශ්‍යතාවක් නැති බව ද ඔහු සඳහන් කළේ ය.

ඉදිරියේදී ඇතැම් ප්‍රදේශවල තවත් ආසදිතයන් කිහිප දෙනෙකු හමු වීමට හැකියාව ඇතත් ඒ සම්බන්ධයෙන් ක්‍රියාමාර්ග දැනටමත් මූලික වශයෙන්ම ක්‍රියාත්මක කර ඇති බවත් ඔහු පැවසීය.

ඔහු මෙම අදහස් පල කලේය කන්දකාඩු කොරෝනා පොකුරේ ව්‍යාප්තිය සම්බන්ධයෙන් මාධ්‍ය විසින් කළ විමසීමකදී ප්‍රතිචාර දක්වමිනි.


වැලිකඩ බන්ධනාගාරයේ රැඳවියෙකු කොවිඩ් 19 ආසාදිතයෙකු ලෙස හඳුනාගත් බව රජයේ ප්‍රවෘත්ති දෙපාර්තමේන්තුව (07) නිවේදනය කළේය.

සෞඛ්‍ය අංශ පවසන්නේ, ඔහුට රෝගය ආසාදනය වූ මූලාශ්‍ර සොයා පරීක්ෂණ ක්‍රියාත්මක බවය.

රැඳවියාගේ ආශ්‍රිතයන් සම්බන්ධයෙන් වන PCR පරීක්ෂණ ආරම්භ වී ඇති අතර එම ආශ්‍රිතයින් 174 දෙනෙකු නිරෝධායනයට ද යොමු කර තිබේ.

කන්දකාඩු හි පිහිටි මත්ද්‍රව්‍යට ඇබ්බැහිවූවන් පුනරුත්ථාපනය කිරීමේ මධ්‍යස්ථානයට ඉකුත් මාර්තු 20 වැනිදා යොමු කළ රැඳවියෙකු එම කටයුතුවලින් පසු පොළොන්නරුව බන්ධනාගාරය වෙත භාරදී තිබුණේ ඉකුත් ජුනි 26 වැනිදාය.

අනතුරුව ඔහුව ජුනි 27 වැනිදා වැලිකඩ බන්ධනාගාරය වෙත මාරු කර තිබූ අතර ඔහු සම්බන්ධයෙන් සිදුකළ PCR පරීක්ෂාවේදී කොවිඩ් 19 ආසාදිතයෙකු වශයෙන් තහවුරු කරගෙන ඇත.

එම රැඳවියා ඇතුළු 40 දෙනෙකුගේ කණ්ඩායමක් කන්දකාඩුහි සිට වැලිකඩ බන්ධනාගාරය වෙත එවා තිබූ අතර ඔවුන් සියලු දෙනාම PCR පරීක්ෂාවට ලක් කිරීමේන් අනතුරුව මෙම ආසාදිතයා හදුනාගෙන ඇත.

පසුව ආසාදිතයා ජාතික බෝවන රෝග විද්‍යායතනය වෙත යොමු කිරීමට බන්ධනාගාර නිලධාරීන් පියවර ගෙන තිබේ.

මෙම සිද්ධියත් සමග වැලිකඩ බන්ධනාගාරයේ රැඳවියන් සඳහා අමුත්තන් කැඳවීමද අද සිට දින නියමයක් නොමැතිව තාවකාලිකව නැවැත්වීමට බන්ධනාගාර දෙපාර්තමේන්තුව තීරණය කර ඇත.

ආසාදිතයා සමග කන්දකාඩු හි සිටි ආශ්‍රිතයන් සහ බන්ධනාගාර නිලධාරීන්ගේ PCR පරීක්ෂණ ආරම්භ කර  ඇති බව සෞඛ්‍ය අංශ පැවසීය.

වැලිකඩ ආසාදිතයා සහ තවත් ආසාදිතයන් දෙදෙනෙකු අද හඳුනාගැනීමත් සමග මෙරට මුළු ආසාදිතයින් ගණන 2080 දක්වා ඉහළ ගොස් තිබේ.

ඔවුන් අතරින් අයෙක් ඉතියෝපියාවේ සිට මෙරටට පැමිණි අයෙකු වන අතර අනෙක් ආසාදිතයා නාවික හමුදා සාමාජිකයෙකි.

ඒ අතර තවත් 38 දෙනෙකු ගතවූ පැය 24 තුළ සුවය ලැබීමත් සමග සුවය ලැබූ සමස්ත ගණන 1955 දක්වා ඉහළ ගොස් තිබෙන අතර තවදුරටත් රෝහල්ගතව ප්‍රතිකාර ලබන්නේ 114 දෙනෙකු පමණි.

904 ක් වූ සමස්ත නාවික හමුදා ආසාදිතයින් අතරින් සුවය ලැබූ සමස්ත නාවික හමුදා සාමාජිකයින් ගණන 888 දක්වා ඉහළ ගියේය.

තවදුරටත් රෝහල්ගතව ප්‍රතිකාර ලබන්නේ නාවික හමුදා සාමාජිකයින් 16 දෙනෙකු පමණි.


වැලිකඩ රිමාන්ඩ් බන්ධනාගාරයේ රැඳවියෙකු කොවිඩ් 19 ආසාදිතයෙකු වශයෙන් තවහුරු කර ගෙන ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පවසයි.

මෙම රැඳවියා කන්දකාඩුවෙහි පිහිටි මත්ද්‍රව්‍යයට ඇබ්බැහිවුවන් පුනරුත්ථාපනය කිරීමේ මධ්‍යස්ථානයේ සිට ජුනි මස 27 වන දින වැලිකඩ රිමාන්ඩ් බන්ධනාගාරය වෙත මාරු කර එවන ලද රැඳවියෙකි.

මෙම හඳුනාගත් රෝගියා සම්බන්ධයෙන් සහ අනෙකුත් ආශ්‍රිතයන් පීසීආර් පරීක්ෂණ සහ නිරෝධායන කටයුතු සිදු කරමින් පවතින අතර, මෙම පරීක්ෂණ සඳහා රිමාන්ඩ් බන්ධනාගාර රැඳවියන් සහ බන්ධනාගාර නිලධාරීන් ද බඳුන් කරනු ලබන බව රජයේ ප්‍රවෘත්ති දෙපාර්තමේන්තුවේ අධ්‍යක්ෂ ජනරාල් නාලක කලුවැව මහතා නිකුත් කළ නිවේදනයක දැක්වේ.

එම නිවේදනය පහතින් දැක්වේ.


2011 ලෝක කුසලාන ක්‍රිකට් අවසන් මහා තරඟය පාවා දුන්නේ යැයි එවකට හිටපු ක්‍රීඩා ඇමැති මහින්දානන්ද අලුත්ගමගේ මහතා විසින් කළ ප්‍රකාශය සම්බන්ධයෙන් පරීක්ෂණයක් ආරම්භ කරනැයි ක්‍රීඩා අමාත්‍යාංශය වෙත පැමිණිල්ලක් භාර දී තිබේ.

මෙම පැමිණිල්ල භාර දී ඇත්තේ සමාජවාදී තරුණ සංගමය හා සේවු ද ස්පෝට් සංවිධානය එක්වයි.

ක්‍රීඩාවන් සම්බන්ධයෙන් අසත්‍ය චෝදනා ඉදිරිපත් කරන අයට නීති මගින් කටයුතු කිරීමේ අවස්ථාව පසුගිය රජය විසින් සම්මත කර ඇති නව පනතක් අනුව ලැබී ඇත.

ඒ අනුව මහින්දානන්ද අලුත්ගමගේ මහතා විසින් එල්ල කරන ලද චෝදනාව සම්බන්ධයෙන් කිසිදු තොරතුරක් හෙළි නොවීම මත ඔහුට එරෙහිව පරීක්ෂණ කරන්නැයි මෙම පැමිණිල්ල මගින් ඉල්ලා තිබේ.


කිලිනොච්චිය ඉයක්කච්චි ප්‍රදේශයේ නිවසක්තුල තිබී දේශීය නිශ්පාදිත බෝම්බ 3 ක් සමගින් පුපුරණදුව්‍ය හා කලුකොටි සමරණ කොඩියක් ඇතුලු උපකරණ සමගින් කාන්තාවක් ඊයේ (05) රාත්‍රියේ ත්‍රස්ත විමර්ශන නිලධාරීන් හා පලෙයි පොලීසිය විසින් අත්අඩංගුවට ගෙන ඇත.

අදාල කාන්තාව සිටි නිවසේ මීට පෙර දිනකදී දේශීය බෝම්බයක් සෑදීමට ගත් උත්සහයකදී එය පුපුරා යාමෙන් ඇයගේ ස්වාමිපුරුෂයා බරපතල තුවාල ලබා රෝහල්ගත කොට ඇති අතරඒ පිළිබඳව වැඩි දුර පරික්ෂා කිරීමේදී නිවසේ සඟවා තිබූ අදාල බෝම්බ හා පුපුරණද්‍රව්‍ය තොගය සොයාගනු ලැබීය.

එහිදී නිවසේ තිබී දේශීය නිශ්පාදිත බෝම්බ 3ක්, පුපුරණද්‍රව්‍ය තොගයක්, කලුකොටි දිනය සමරමු යනුවෙන් කොඩියක්, කලුකොටි සාමාජිකයෙකුගේ ඡායාරූපයක් ආදි වහයෙන් සොයාගෙන ඇත.

අනතුරුව නිවසේ සිටි 43 හැවිරිදි කාන්තාවද අත්අඩංගුවට ගෙන ඇති අතර ඇය ප්‍රදේශයේ පාසලක ගුරුවරියක් වශයෙන්ද සේවය කරන බවට තොරතුරු අනාවරණය කොට ගෙන ඇත.

කෙසේ වෙතත් බෝම්බ පිපිරුමෙන් බරපතල තුවාල ලබා රෝහල්ගතව සිටින සාමාජිකයා හිටපු කොටි සාමාජිකයෙකු බවටද තොරතුරු ලැබී ඇති අතර අදාල බෝමබ නිශ්පාදනය කිරීමට හේතුව සෙවීම සඳහා ත්‍රස්ත විමර්ශන නිලධාරීන් විසින් මේ වන විටත් පරික්ෂණයක් අරඹා ඇත.

සොයාගත් බෝම්බම හා පුපුරණද්‍රව්‍ය අධිකරණ නියෝගයකට අනුව නිශ්ක්‍රී කිරීම සඳහා පොලීසිය පොලිස් විශේෂ කාර්ය බලකාය සහයද ලබාගන්නා බවට පලෙයි පොලීසිය වැඩි දුරටත් පැවසීය.


කුඩු ජාවාරමකු වන මර්වින් ජානාගේ කුඩු සල්ලි රුපියල් ලක්ෂ 1400ක් තැන්පත් කර තිබූ යාචකයකුගේ බැංකු ගිණුමක් ගල්කිස්ස ජ්‍යෙෂ්ඨ පොලිස් අධිකාරී කාර්යාලය සිදුකළ විමර්ශනයකදී සොයාගෙන තිබෙනවා.

මෙම යාචකයාගේ නමට අත්තිඩියේ පෞද්ගලික බැංකුවක ගිණුමක් විවෘත කර එහි බැංකු පොත හා කාඩ්පත මර්වින් ජානාගේ බිරිඳ සන්තකයේ තබාගෙන ඇති බව වාර්තා වනවා.

පසුගිය වසරේ ජූලි 15දා සිට මාස 11ක් තුළ රුපියල් ලක්ෂ 1400ක් තැන්පත් කර තිබෙනවා. මර්වින් ජානා දැනට බන්ධනාගාරගතව සිටී.

ශ්‍රී ලංකා ක්‍රිකට් කණ්ඩායමේ මුල් පෙල පිතිකරු කුසල් මෙන්ඩිස් පොලීසිය විසින් අත්අඩංගුවට ගෙන තිබේ.

පානදුර, හොරේතුඩුව ප්‍රදේශයේදී ඔහු විසින් පදවන ලද වාහනයක හැපී පුද්ගලයෙකු මියයාම සම්බන්ධයෙන් මෙම අත්අඩංගුවට ගැනීම කර ඇත.

මිය ගොස් අති පුද්ගලයා වයස අවුරුදු 64ක අයෙකි.

අනතුර සිදු වීමෙන් පසු කුසල් මෙන්ඩිස් පොලිසියට භාරවීමෙන් පසු අත්අඩංගුවට ගෙන ඇත.

සම්පත් බැංකුවේ දෙහිවල ශාඛාවට ඇතුළු වීමට උත්සාහ දැරූ මුස්ලිම් කාන්තාවකගේ අනන්‍යතාවය තහවුරු කර ගැනීම සම්බන්ධයෙන් ඇති වූ ගැටළුවකට අදාළ වීඩියෝපටයක් සමාජ ජාලා තුළ විශේෂ අවධානයකට ලක් විය.

ජූලි 02 බ්‍රහස්පතින්දා දින සිදුවී ඇති අදාළ සිදු වීමෙන් පසු මේ වන විට සම්පත් බැංකුවට එරෙහිව විශාල මෙහෙයුමක් දියත්ව ඇති ආකාරය ද සමාජ මාධ්‍ය හරහා නිරීක්ෂණය වේ.

මෙම චිත්‍රපට නැරබීම සදහා Youtube (Data Free) පැකේජ ලබාගෙන ඇති අයට කිසිදු Data වැය වීමක් සිදු නොවේ.


හෝමාගම, පිටිපන ප්‍රදේශයේ දී තවත් අවි ආයුද සමග කාන්තාවක් අත්අඩංගුවට ගෙන තිබේ.

2020.06.29 වන දින ජයවර්ධනපුර පොලිස් විශේෂ කාර්ය බලකා නිලධාරීන් විසින් ලද තොරතුරක් මත හෝමාගම පිටිපන නගරයේ පිහිටි පුද්ගලික සමාගමකට අයත් තට්ටු 5කින් යුත් ගොඩනැඟිල්ලක පහත මහලේ ව්‍යාපාරික භාණ්ඩ ගබඩාවක සඟවා තිබු ටී 56 ගිනි අවි 11 ක් හා ටී 81 වර්ගයේ ගිනි අවියක් සමග ගොඩනැඟිල්ලේ අයිතිකරු හා තවත් සැකකරුවෙක් අත්අඩංගුවට ගනු ලැබීය.

එම ගොඩනැඟිල්ලේ අයිතිකරු විසින් අනියම් සම්බන්ධතාවයක් පැවැත් වු බවට සැක කරන කාන්තාවකගේ සිල්වස්ටන් වත්ත, 4 වන පටුමග, පිටිපන උතුර, හෝමාගම පිහිටි නිවස රාජ්‍ය බුද්ධි සේවා නිලධාරීන් විසින් ලබා දෙන ලද තොරතුරකට අනුව අද (01) හෝමාගම පොලිස් ස්ථානයේ නිලධාරීන් කණ්ඩායමක් විසින් පරික්ෂාවට ලක් කර ඇත.

එම නිවසේ රහස් කුටියක තිබී අවි ආයුධ හා පුපුරණ ද්‍රව්‍ය සොයා ගෙන තිබේ.

එහිදී බොඩි ආමර් 2ක්, රිපීටර් ෂොට් ගන් එකක් හා සජීව උණ්ඩ 4ක්, හෑන්ඩ් ග්‍රෙනේඩ් 7ක් හා හඳුනා නොගත් උණ්ඩ 4 ක් අත්අඩංගුවට ගෙන ඇත.

සිද්ධිය සම්බන්ධයෙන් නිවසේ කාන්තාව අත්අඩංගුවට ගෙන ඇති අතර, හෝමාගම පොලීසිය විසින් වැඩිදුර විමර්ශන පවත්වයි.

Powered by Blogger.